ଯେଉଁ ବିବାହିତା ସ୍ତ୍ରୀ କରିଥାଏ ଏହି ତିନୋଟି ଜିନିଷର ଦାନ । କେବେ ହୋଇ ନଥାଏ ଗରିବ ଏବଂ ବିଧବା ।

ଭଗବାନ ଶ୍ରୀକୃଷ୍ଣ ଗରୁଡ଼ ପୁରାଣରେ ଦାନର ଅନେକ ମହତ୍ତ୍ୱ ବିଷୟରେ ବର୍ଣ୍ଣନା କରିଛନ୍ତି । ଦାନ କରିବା ଦ୍ୱାରା ହିଁ ଧନରେ ବୃଦ୍ଧି ହୋଇଥାଏ ଏବଂ ଅନ୍ୟର କଲ୍ୟାଣ କରବା ଦ୍ୱାରା ହିଁ ଭଗବାନ ପ୍ରସନ୍ନ ହୁଅନ୍ତି । ଯେଉଁ ବ୍ୟକ୍ତି ନିଜ ସାମ୍ୟର୍ଥ ଅନୁଯାୟୀ ସମୟ ସମୟରେ ଦାନ ଧର୍ମ କରିଥାଏ ତାର କେବେ ଦୁର୍ଗତି ହୋଇ ନଥାଏ ।

ଦାନ କରିବା ଦ୍ୱାରା ମନୁଷ୍ୟର ସବୁ ପାପ ନଷ୍ଟ ହୋଇଥାଏ ଏବଂ ମୃତ୍ୟୁ ପରେ ମୋକ୍ଷ ପ୍ରାପ୍ତି ହୋଇଥାଏ । କହିରଖିବୁ ଯେ ମନୁଷ୍ୟ ଜୀବନରେ ଦୁର୍ଭାଗ୍ୟ ଆସିବା ପୂର୍ବରୁ ଅନେକ ସଙ୍କେତ ଜୀବନରେ ଆସିଥାଏ । ଘରେ ସାଧରଣତଃ କଳହ କ୍ଳେଶ ହେଲେ ତାହାର ଅର୍ଥ ଏହା ଯେ ଜୀବନରେ ଘୋର ଦୁର୍ଭାଗ୍ୟ ଆସିବାକୁ ଯାଉଛି । ତେଣୁ ଏପରି ପରିସ୍ଥିତିରେ ଦାନ ଧର୍ମ କରିବା ଜରୁରୀ ଅଟେ ।

ଏହାବ୍ୟତୀତ କିଛି ଏପରି ଜିନିଷ ଅଛି ଯାହାକୁ ମନୁଷ୍ୟ ଦାନ କରିବା ଜରୁରୀ ଅଟେ ଏବଂ ବିବାହିତା ମହିଳା ତିନୋଟି ଜିନିଷ ଦାନ କରିବା ଦ୍ୱାରା ତାଙ୍କ ସ୍ୱାମୀର କେବେ ଅକାଳ ମୃତ୍ୟୁ ହୋଇ ନଥାଏ । ତେବେ ଚାଲନ୍ତୁ ସେହି ସବୁ ଜିନିଷ ବିଷୟରେ ଜାଣି ନେବା ।

୧ . ଅନେକ ସମୟରେ ମନୁଷ୍ୟକୁ ତାର ପରିଶ୍ରମ ଅନୁଯାୟୀ ଫଳ ପ୍ରାପ୍ତ ହୁଏନାହିଁ । ଯେଉଁ କାରଣରୁ ସେ ନିଜ ଭାଗ୍ୟକୁ ଦାୟୀ କରିଥାଏ ଏବଂ ପରିଶ୍ରମ କରିବା ଛାଡ଼ି ଦେଇଥାଏ । କିନ୍ତୁ ଏଭଳି ସମସ୍ୟା ଗ୍ରହ ଦୋଷ କାରଣରୁ ମଧ୍ୟ ହୋଇପାରେ । ତେଣୁ ଭାଗ୍ୟ ଦୁର୍ବଳ ଥିଲେ କିମ୍ବା ଗ୍ରହ ଦୋଷ ଥିଲେ ଲୁଣ ଦାନ ମହତ୍ତ୍ୱପୂର୍ଣ୍ଣ ଅଟେ । ଏଭଳି ମାନ୍ୟତା ରହିଛି ଯେ ବ୍ରାହ୍ମଣ କିମ୍ବା କୌଣସି ମନ୍ଦିରରେ ଭଗବାନଙ୍କ ମୂର୍ତ୍ତି ସାମ୍ନାରେ ଲୁଣ ଦାନ କଲେ ଦୁର୍ଭାଗ୍ୟ ଦୂର ହୋଇଥାଏ । କିନ୍ତୁ ଲୁଣ କାହାକୁ ସିଧା ହାତରେ ଦେବା ବର୍ଜିତ ଅଟେ । ଏହାଦ୍ବାରା ପିତୃ ପୁରୁଷ ପ୍ରସନ୍ନ ହୁଅନ୍ତି ଏବଂ ପିତୃ ଦୋଷ ଦୂର ହୋଇଥାଏ ।

୨ . ଯଦି ଆପଣଙ୍କୁ ଦୀର୍ଘ ସମୟ ଧରି କୌଣସି ଗମ୍ଭୀର ରୋଗ କିମ୍ବା କୌଣସି ଶତ୍ରୁର ଭୟ ଭୟଭୀତ କରୁଛି ତେବେ ମଙ୍ଗଳବାର ଦିନ ଗରିବଙ୍କୁ ନାଲି ବସ୍ତ୍ର ଦାନ କରନ୍ତୁ ।

୩ . ଅନେକ ବ୍ୟକ୍ତି ଅଛନ୍ତି ଯେଉଁମାନେ ଦୁଃଖରେ ରହିବା କାରଣରୁ ରାତିରେ ନିଦ ହଉ ନଥାଏ ଏବଂ ସେମାନେ ଗଭୀର ଭାବରେ ମାନସିକ ସମସ୍ୟାରେ ପୀଡ଼ିତ ଥାଆନ୍ତି ତେବେ ସେମାନେ ଧଳା କିମ୍ବା କଳା ତିଳ ଦାନ କରିବା ଉଚିତ । ଧଳା ତିଳ ଦାନ କଲେ ବ୍ୟକ୍ତିକୁ ସୁଖ ସମୃଦ୍ଧି ପ୍ରାପ୍ତ ହୋଇଥାଏ ଏବଂ କେବେ ଅଧୋଗତି ହୁଏନାହିଁ । ଶନିବାର ଦିନ ଶନି ମନ୍ଦିର ଯାଇ କଳା ତିଳ ଦାନ କଲେ ଶନିଦେବ ପ୍ରସନ୍ନ ହୁଅନ୍ତି ଏବଂ ଜୀବନର ସବୁ ସମସ୍ୟା ଦୂର ହୋଇଥାଏ ।

୪ . ବିବାହିତା ମହିଳା ସୋମବାର ଦିନ ମହାଦେବଙ୍କୁ କଞ୍ଚା କ୍ଷୀର , ଚାଉଳ ଏବଂ ଚିନି ଦାନ କରିବା ଉଚିତ । ଶିବ ପୁରାଣ ଅନୁଯାୟୀ ଯେଉଁ ବିବାହିତା ମହିଳା ଏହି ତିନୋଟି ଜିନିଷ ଦାନ କରିଥାଏ ସେ କେବେବି ବିଧବା ହୁଏନାହିଁ । ଏହାଦ୍ବାରା ସେହି ମହିଳାଙ୍କ ଘରେ ସୁଖ ସମୃଦ୍ଧି ମଧ୍ୟ ବଜାୟ ରହେ ।

୫ . ଗରୁଡ଼ ପୁରାଣ ଅନୁଯାୟୀ ଗୁଡ଼ ଏବଂ ଘିଅ ଦାନ କରିବା ଦ୍ୱାରା ବ୍ୟକ୍ତିକୁ କେବେ ଦୁର୍ଭାଗ୍ୟର ସାମ୍ନା କରିବାକୁ ପଡ଼େ ନାହିଁ । ଏହାଦ୍ବାରା ବ୍ୟକ୍ତିର ଜାତକରେ ସୂର୍ଯ୍ୟ ଦୃଢ଼ ହୋଇଥାଏ ଏବଂ ଜୀବନର ସବୁ ସମସ୍ୟା ଦୂର ହୋଇଥାଏ । ଏହାବ୍ୟତୀତ ଜାତକରେ ଶନିଙ୍କ ପ୍ରଭାବ ମଧ୍ୟ କମ ହୋଇଥାଏ । ଯାହାଦ୍ୱାରା ସେହି ବ୍ୟକ୍ତିକୁ ଶାରୀରିକ , ମାନସିକ ଏବଂ ଆର୍ଥିକ ସମସ୍ୟାରୁ ମୁକ୍ତି ମିଳିଥାଏ ।