ଗାଧୋଇବା ପାଣିରେ କେବଳ ଏହି ଜଡିବୁଟିକୁ ମିଶାଇ ଦିଅନ୍ତୁ , ଶରୀର ସୁସ୍ଥ ରହିବା ସହିତ ନବଗ୍ରହ ମଧ୍ୟ ଶାନ୍ତ ହୋଇଯିବେ
ଗ୍ରହମାନଙ୍କୁ ଶାନ୍ତ ରଖିବା ପାଇଁ ଏକ ଔଷଧୀୟ ସ୍ନାନ କରାଯାଏ। ଔଷଧୀୟ ସ୍ନାନ କରିବା ଦ୍ୱାରା ଗ୍ରହମାନେ ଆପଣଙ୍କ ପାଇଁ ଅନୁକୂଳ ରହିଥାନ୍ତି ଏବଂ ଜୀବନରେ କୌଣସି ବାଧା ସୃଷ୍ଟି ହୁଏ ନାହିଁ। କୁଣ୍ଡଳୀରେ ଯେକୌଣସି ଗ୍ରହ ଭାରୀ ହେଲେ ଆପଣ ଔଷଧୀୟ ସ୍ନାନ କରିନିଅନ୍ତୁ। ଏପରି କରିବା ଦ୍ୱାରା ଗ୍ରହର ଖରାପ ପ୍ରଭାବରୁ ଆପଣ ରକ୍ଷା ପାଇବେ। ଔଷଧୀୟ ସ୍ନାନ ବିଷୟରେ ଉଲ୍ଲେଖ କରି ଶାସ୍ତ୍ରରେ ଲେଖାଯାଇଛି ଯେ ଜନ୍ମ ପତ୍ରିକାରେ ଅଶୁଭ ଗ୍ରହ ରହିଥାନ୍ତି ଏବଂ ଏମାନଙ୍କର ଖରାପ ପ୍ରଭାବକୁ ହ୍ରାସ କରିବା ପାଇଁ ଏହି ସ୍ନାନ କରାଯାଇଥାଏ। ଯଦି ଗ୍ରହ ସହ ଜଡିତ ଜଡ଼ିବୁଟିକୁ ଗାଧୋଇବା ପାଣିରେ ମିଶ୍ରିତ କରି ପ୍ରତିଦିନ ଏହା ଦ୍ୱାରା ସ୍ନାନ କରାଯାଏ , ତେବେ ଅଶୁଭ ଏବଂ କ୍ରୋଧି ଗ୍ରହମାନଙ୍କର ପ୍ରଭାବ କମିଯାଏ। ପ୍ରତ୍ୟେକ ଗ୍ରହ ସହିତ ସ୍ୱତନ୍ତ୍ର ଜଡ଼ିବୁଟି ଜଡିତ ହୋଇଥାଏ। ତେଣୁ ଆପଣଙ୍କ କୁଣ୍ଡଳୀରେ ଯେଉଁ ଗ୍ରହ ଭାରି ରହିଥାଏ , ତା ସହିତ ଜଡିତ ଜଡ଼ିବୁଟି ଗାଧୋଇବା ପାଣିରେ ମିଶାଇ ଦିଅନ୍ତୁ। ଔଷଧୀୟ ସ୍ନାନ ଏବଂ ଗ୍ରହ ସହ ଜଡିତ ଜଡ଼ିବୁଟି ବିଷୟରେ ସୂଚନା:-
ସୂର୍ଯ୍ୟ ଗ୍ରହ:-
କୁଣ୍ଡଳୀରେ ସୂର୍ଯ୍ୟ ଗ୍ରହ ଭାରୀ ହେବା ଦ୍ୱାରା ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡିଥାଏ। ତେଣୁ , ଯେଉଁମାନଙ୍କର କୁଣ୍ଡଳୀରେ ଏହି ଗ୍ରହ ଭାରୀ ରହିଥାଏ , ସେମାନେ ପ୍ରତିଦିନ ସୂର୍ଯ୍ୟ ଭଗବାନଙ୍କୁ ପୂଜା କରନ୍ତୁ ଏବଂ ଔଷଧୀୟ ସ୍ନାନ କରନ୍ତୁ। ଔଷଧୀୟ ସ୍ନାନ କରିବା ପାଇଁ ଗାଧୋଇବା ପାଣିରେ ଅଳେଇଚ , କେଶର , ରକ୍ତ ଚନ୍ଦନ , ଯଷ୍ଟିମଧୁ ଏବଂ ନାଲି ଫୁଲକୁ ମିଶାନ୍ତୁ। ଏହି ଜିନିଷଗୁଡ଼ିକୁ ପାଣିରେ ମିଶାଇ ଗାଧୋଇବା ଫଳରେ ଏହି ଗ୍ରହ ଶାନ୍ତ ହୋଇଯିବେ।
ଚନ୍ଦ୍ର ଗ୍ରହ:-
ଚନ୍ଦ୍ର ଗ୍ରହର ସମ୍ପର୍କ ଚର୍ମ ଏବଂ ମନ ସହିତ ସଂଯୁକ୍ତ ହୋଇଥାଏ। ଏହି ଗ୍ରହ ଭାରୀ ହେବା ଦ୍ୱାରା ଚର୍ମ ସମ୍ବନ୍ଧୀୟ ରୋଗ ଆରମ୍ଭ ହୁଏ କିମ୍ବା ମସ୍ତିଷ୍କ ଅଶାନ୍ତ ରହିଥାଏ। ଚନ୍ଦ୍ର ଗ୍ରହକୁ ଶାନ୍ତ କରିବା ପାଇଁ , ଆପଣ ଧଳା ରଙ୍ଗର ଜିନିଷ ଦାନ କରନ୍ତୁ ଏବଂ ଗାଧୋଇବା ପାଣିରେ ପଞ୍ଚଗଭ୍ୟ , ଆମ୍ବଡ଼ା ମୂଳ, ଧଳା ଚନ୍ଦନ ଏବଂ ଧଳା ଫୁଲ ମିଶ୍ରଣ କରନ୍ତୁ।
ମଙ୍ଗଳ ଗ୍ରହ:-
ଯଦି କୁଣ୍ଡଳୀରେ ମଙ୍ଗଳଗ୍ରହ ଭାରୀ ରହିଥାଏ , ତେବେ ଜାତକଙ୍କର ବିବାହ ବିଳମ୍ବରେ ହୋଇଥାଏ ଏବଂ କୌଣସି କାମ ସଫଳ ହୋଇପାରେ ନାହିଁ। ମଙ୍ଗଳ ଗ୍ରହକୁ ଅନୁକୂଳ କରିବା ପାଇଁ ନାଲି ଚନ୍ଦନ , ଜଟାମାଂସୀ , ହିଙ୍ଗ ଏବଂ ନାଲି ଫୁଲକୁ ପାଣିରେ ମିଶାଇ ମଙ୍ଗଳବାର ଦିନ ଏହି ପାଣି ସହିତ ସ୍ନାନ କରନ୍ତୁ। ଗାଧୋଇବା ପରେ ନାଲି ଜିନିଷ ଦାନ କରନ୍ତୁ।
ବୁଧ ଗ୍ରହ:-
ଯଦି ବୁଧ ଗ୍ରହ ଆପଣଙ୍କ ପାଇଁ ଅନୁକୂଳ ନାହିଁ , ତେବେ ବୁଧବାର ଦିନ ଅକ୍ଷତ , ଗୋରୋଚନ , ବିଧାରା ମୂଳ, ମହୁ ଏବଂ ଜାଇ ଫଳକୁ ପାଣିରେ ମିଶାଇ ଏହି ପାଣିରେ ସ୍ନାନ କରନ୍ତୁ। ବୁଧ ଗ୍ରହର କଥା ମଧ୍ୟ ପଢନ୍ତୁ ଏବଂ ସବୁଜ ଜିନିଷ ଦାନ କରନ୍ତୁ।
ଗୁରୁ ଗ୍ରହ:-
କୁଣ୍ଡଳୀରେ ଏହି ଗ୍ରହ ଭାରୀ ହେବା ଦ୍ୱାରା ଜାତକର ବିବାହ ହୋଇପାରେ ନାହିଁ। ଏହି ଗ୍ରହକୁ ଶାନ୍ତ କରିବା ଅତ୍ୟନ୍ତ ସହଜ ଅଟେ ଏବଂ ଏହା କରିବା ପାଇଁ ଆପଣ ଗୁରୁବାର ଦିନ ଗାଧୋଇବା ପାଣିରେ ହଳଦୀ , ମହୁ, ଗିଲୋୟ , ଯଷ୍ଟିମଧୁ ଏବଂ ଜସ୍ମିନ ଫୁଲକୁ ମିଶ୍ରଣ କରନ୍ତୁ। ଗାଧୋଇବା ପରେ ନିଜ କପାଳରେ ହଳଦୀ ତିଲକ ଲଗାନ୍ତୁ। ଯଦି ସମ୍ଭବ , ହଳଦିଆ ପୋଷାକ ପିନ୍ଧନ୍ତୁ ଏବଂ କେବଳ ହଳଦିଆ ଜିନିଷ ଖାଆନ୍ତୁ।
ଶୁକ୍ର ଗ୍ରହ:-
ଶୁକ୍ର ଗ୍ରହକୁ ଅନୁକୂଳ ରଖିବା ପାଇଁ ଗାଧୋଇବା ପାଣିରେ ଜାଇ ଫଳ , କେଶର , ଅଳେଇଚ ,ଜସ୍ମିନ କିମ୍ବା ଧଳା ଫୁଲକୁ ମିଶାଇ ଦିଅନ୍ତୁ ଏବଂ ଏହି ପାଣିରେ ସ୍ନାନ କରନ୍ତୁ। ପ୍ରତି ଶୁକ୍ରବାର ଏହିପରି ଭାବରେ ସ୍ନାନ କରନ୍ତୁ।
ଶନି ଗ୍ରହ:-
ଶନି ଗ୍ରହର କ୍ରୋଧକୁ ଏଡାଇବା ପାଇଁ ସ୍ନାନ ପାଣିରେ ପାନ ମହୁରୀ , ପୋସ୍ତ , ସୁରମା ଏବଂ କଳା ତିଳ ମିଶାନ୍ତୁ। ଏହି ପାଣି ଦ୍ବାରା ପ୍ରତି ଶନିବାର ଦିନ ସ୍ନାନ କରନ୍ତୁ। ସ୍ନାନ କରିବା ପରେ ଶନି ଦେବଙ୍କ ମନ୍ଦିରକୁ ଯାଇ ତାଙ୍କୁ ପୂଜା କରନ୍ତୁ। ପୂଜା କରିବା ସମୟରେ ତାଙ୍କୁ କଳା ତିଳ ଅର୍ପଣ କରନ୍ତୁ ଏବଂ ଏକ ସୋରିଷ ତେଲ ଦୀପ ମଧ୍ୟ ନିଶ୍ଚିତ ଭାବରେ ଜାଳନ୍ତୁ।
ରାହୁ ଗ୍ରହ:-
ରାହୁ ଗ୍ରହ ହେତୁ କୌଣସି କାମ ସହଜରେ ସଫଳ ହୁଏ ନାହିଁ। ଏହି ଗ୍ରହକୁ ଏକ କ୍ରୋଧି ଗ୍ରହ ଭାବରେ ବିବେଚନା କରାଯାଏ। କୁଣ୍ଡଳୀରେ ରାହୁକୁ ଶାନ୍ତ ରଖିବା ପାଇଁ କସ୍ତୁରୀ ଏବଂ ଲୋବନା ମିଶ୍ରିତ ପାଣିରେ ସ୍ନାନ କରନ୍ତୁ।
କେତୁ ଗ୍ରହ:-
ରାହୁ ପରି କେତୁକୁ ମଧ୍ୟ ଏକ କ୍ରୋଧି ଗ୍ରହ ଭାବରେ ବିବେଚନା କାରାଯାଏ ଏବଂ ଏହି ଗ୍ରହକୁ ଅନୁକୂଳ କରିବା ପାଇଁ ରକ୍ତ ଚନ୍ଦନ ଏବଂ କୁଶ ମିଶ୍ରିତ ଜଳରେ ସ୍ନାନ କରନ୍ତୁ। ବନ୍ଧୁଗଣ ଯଦି ଏହି ଆର୍ଟିକିଲଟି ଭଲ ଲାଗିଲା ତେବେ ଗୋଟିଏ ଲାଇକ କରିବା ସହିତ ଏହାକୁ ସେଆର କରି ଦିଅନ୍ତୁ । ଏମିତି ଅଧିକ ପୋଷ୍ଟ ପାଇଁ ଆମ page କୁ ଲାଇକ କରନ୍ତୁ ।
ଗାଧୋଇବା ପାଣିରେ କେବଳ ଏହି ଜଡିବୁଟିକୁ ମିଶାଇ ଦିଅନ୍ତୁ , ଶରୀର ସୁସ୍ଥ ରହିବା ସହିତ ନବଗ୍ରହ ମଧ୍ୟ ଶାନ୍ତ ହୋଇଯିବେ